Müəllimlərin işə qəbulu müsabiqəsinin ödəniş sistemi aktivləşib.
Bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.
Bildirilib ki, sistem bu gün saat 15:00-dan 9 iyul saat 15:00-a kimi aktiv olacaq.
Nazirlər Kabinetinin müvafiq Qərarına əsasən, müəllimlərin işə qəbulu üzrə müsabiqə bu ildən etibarən ödənişli əsaslarla təşkil edilir.
Qanunvericiliyə uyğun olaraq aşağıdakı kateqoriyalara aid namizədlər ödənişdən azaddırlar:
– müsabiqədə ilk dəfə iştirak edən namizədlər;
– şəhid ailəsinin üzvləri;
– müharibə veteranı adı almış şəxslər;
– əlilliyi olan şəxslər;
– ünvanlı dövlət sosial yardımı alan ailələrin üzvləri.
Qeyd edilib ki, ödəniş prosesi ilə bağlı ətraflı məlumat və təlimat şəxsi kabinet vasitəsilə namizədlərin istifadəsinə təqdim olunacaq.