Türkiyə Vitse-prezidenti Cevdet Yılmaz Ermənistana səfər edib
Türkiyənin Vitse-prezidenti Cevdet Yılmaz Avropa Siyasi Birliyinin 8-ci Sammitində iştirak etmək məqsədilə Ermənistana gəlib.
O, paytaxt İrəvanın “Zvartnots” hava limanında Ermənistan parlamentinin vitse-spikeri və Türkiyə ilə münasibətlərin normallaşdırılması üzrə xüsusi nümayəndə Ruben Rubinyan tərəfindən qarşılanıb.
Qeyd edək ki, Avropa Siyasi Birliyinin 8-ci Sammiti bu gün, mayın 4-də İrəvanda keçirilir. Sammit “Gələcəyin qurulması: Avropada birlik və sabitlik” şüarı altında baş tutur.
