İranın xarici işlər naziri Abbas Əraqçi ABŞ-nin İslam Respublikasına qarşı təkrarlanan hücumlarını, Hörmüz boğazında rejimin pozulmasını, habelə İsrailin Livana hava zərbələrini pisləyib və gərginliyin artmasının təhlükəli nəticələrinə görə məsuliyyəti Ağ Evin üzərinə qoyub.
Əraqçi bunu BMT Baş katibinin Yaxın Şərq münaqişəsi üzrə şəxsi nümayəndəsi Jan Arno ilə görüşdə deyib.
O, BMT-nin bu mövzuda qəti mövqe tutmasının zəruriliyini vurğulayıb.
Həmçinin bildirib ki, İran Livanın ərazi bütövlüyü və milli suverenliyinə hərtərəfli dəstək verməyə davam edəcək.
Report.