Bu gün Azərbaycanda Milli Sevgililər Günüdür.
Günün özəlliyi 1990-cı il 20 Yanvar faciəsi zamanı həlak olan İlham və onun yoxluğuna dözə bilməyərək dünyadan köçən xanımı Fərizə toy günü ilə əlaqədardır.
Onların toy günü 2003-cü ildən bəri Azərbaycanda Milli Sevgililər günü kimi qeyd olunur.
Allahverdiyev cütlüyü 1989-cu il iyunun 30-u ailə qurub.
1990-cı ilin yanvarında İlhamla Fərizə ailələrindən ayrı yaşamaq qərarına gəlirlər. Amma yanvarın 19-da İlham Fərizəni yaşadıqları evdən götürüb, anasıgilin yanına aparır. Fərizənin təhlükəsizliyinə əmin olandan sonra İlham evdən çıxır.
O, həmin gecə, hazırkı “20 Yanvar” dairəsində vurulur.
Ömür-gün yoldaşının yoxluğuna dözə bilməyən Fərizə isə öz canından keçir və bətnindəki körpəsini də özü ilə bərabər məzara aparır.
Cütlüyün toy günü 2003-cü ildən bəri Azərbaycanda Milli Sevgililər günü kimi qeyd olunur.