Azərbaycan iyunun 25–29-da Çinin Sincan-Uyğur Muxtar Rayonunun Urumçi şəhərində keçirilən 9-cu Çin-Avrasiya Sərgisində vahid ölkə stendi ilə təmsil olunub.
Sərgidə Azərbaycanın iqtisadi və investisiya potensialı, nəqliyyat-tranzit imkanları, eləcə də “Made in Azerbaijan” brendi altında istehsal olunan məhsullar nümayiş olunub.
Eyni zamanda, Pekində fəaliyyət göstərən Azərbaycan Ticarət Evi vasitəsilə “Made in Azerbaijan” brendi altında istehsal olunan məhsullar sərgidə təqdim olunub.
Sərgi çərçivəsində Azərbaycanın Çində ticarət nümayəndəsi Teymur Nadiroğlu Çin (Şandon) – Şanxay Əməkdaşlıq Təşkilatı Ölkələri Yerli İqtisadi və Ticarət Əməkdaşlığı Konfransında təqdimatla çıxış edib. Təqdimatda Azərbaycanın əlverişli biznes mühiti, investisiya potensialı, investorlar üçün yaradılmış imkanlar, ölkəmizin regionun mühüm nəqliyyat və logistika mərkəzi kimi rolu, eləcə də Azərbaycan ilə Çin arasında iqtisadi-ticarət əməkdaşlığının inkişaf perspektivləri barədə məlumat verilib.